MARIKANA - VYF JAAR LATER

Vyf jaar na Marikana word hulde gebring aan die meer as vier-en-dertig mense wat dood is tydens 'n botsing tussen die polisie en stakende mynwerkers. In die lig hiervan word Thirty Four Plus vanaand by die Orbit Jazz Café and Bistro in Johannesburg aangebied. 'n Rolprent oor die gebeure by Marikana word gewys, asook musiek deur 'n Jazz kwartet wat geskoei is op onder andere die mynwerkers se protes-liedjies. Volgens The Orbit het Marikana die weg gebaan vir musikante om vreesloos te praat oor verskeie politieke probleme in Suid-Afrika.