មនុស្ស​យ៉ាងហោចណាស់៣១នាក់ត្រូវ​ចាប់​ខ្លួន ពាក់ព័ន្ធគម្រោងបាតុកម្ម នាថ្ងៃទី ១៨សីហា

យ៉ាងហោចណាស់ មានមនុស្ស ៣១នាក់ ដែលមានស្ត្រី ២នាក់ ត្រូវបានចាប់ខ្លួន ពីបទប៉ុនប៉ង់ធ្វើកុបកម្ម ផ្តួលរំលំរាជរដ្ឋាភិបាល នាថ្ងៃអាទិត្យ ទី១៨សីហាម្សិលមិញ។ នេះបើតាមលោក ទូច សុខៈ អ្នកនាំពាក្យរងក្រសួងមហាផ្ទៃ។ យុវជនខ្មែរទាំង ៣១នាក់នោះ បានចូលរួមក្នុងផែនការកុបកម្មរបស់ក្រុមប្រឆាំងជ្រុលនិយម ដែលបានញុះញង់ពីក្រៅប្រទេស ឱ្យធ្វើបាតុកម្ម កាលពីថ្ងៃអាទិត្យ ទី១៨ ខែសីហា ប្រឆាំងនឹងគម្រោងអភិវឌ្ឍន៍តំបន់ត្រីកោណ កម្ពុជា ឡាវ និងវៀតណាម CLV។