Monitor

RSG — Dit is verkiesingsjaar en Mei is die groot maand. Saam met die opwinding van 'n naderende verkiesing sien 'n mens al hoe meer voorspellings oor wat moontlik kan gebeur. Daar is mense wat meen die ANC het 'n algehele laagtepunt bereik wat hulle duur te staan kan kom. Dan is daar ander wat meen die ANC onder president Cyril Ramaphosa kan weer heelwat beter as in die verlede doen. Monitor het aan die ontleder en bestuurskonsultant Dawie Scholtz gevra om sy projeksies op die tafel te gooi. Wat hy toe gedoen het maar nie voordat hy eers verduidelik het hoe hy by sy voorspellings uitgekom het nie.