MYNBOUHANDVES LOK WYE REAKSIE UIT

Daar is wye reaksie oor die bekendmaking van die Mynbouhandves deur die Minister van Minerale en Energie, Mosebenzi Zwane, verlede week. Die markte het Donderdagmiddag heftig gereageer en die sektor nagenoeg R30 miljard gekos. Kenners waarsku dat as die handves deurgevoer word dit Suid-Afrika enorme, onomkeerbare skade kan aanrig. Die Handves bepaal onder andere dat mynboumaatskappye hul swartbemagtigingsbelang tot 30 persent moet vergroot, en dat een persent van hul jaarlikse omset aan die swart aandeelhouers uitbetaal moet word voordat 'n uitkering na die ander aandeelhouers gedoen word. Tebelo Chabana van die Kamer van Mynwese sê die kamer gaan 'n dringende interdik kry om die implementeering van die handves te keer.