ONDERSOEK NA WANPRAKTYKE IN DIE TYDDEELBEDRYF BEGIN IN KAAPSTAD

Die nasionale verbruikerskommissie se ondersoek na wanpraktyke in die tyddeelbedryf begin vandag in Kaapstad. Die kommissie hoop dat die openbare verhoor aanleiding sal gee tot een wet wat die bedryf kan reguleer. Een van die groot tekortkomings van huidige wetgewing is dat verbruikers geen seggenskap het in die vakansieskemas nie. Talle verbruikers voel hulle is vasgevang in 'n tronk waaruit hulle nie kan ontsnap nie. Hulle kry dit nie eers reg om hulle tyddeel verniet weg te gee nie, sê 'n tyddeel-eienaar Soera Lotter. Izak du Plessis het aan Lotter gevra waarom hulle so desperaat is om hulle aandeel weg te gee.