ប្រាក់ខែកម្មករកាត់ដេរនៅកម្ពុជា នៅឆ្នាំ២០២៥នឹងឡើងដល់ ២០៨ដុល្លារអាមេរិក ក្នុង ១ខែ

ទីបំផុតទៅ ប្រាក់ឈ្នួលអប្បបរមារបស់កម្មករនិយោជិតក្នុងវិស័យកាត់ដេរ ត្រូវបានដំឡើងដល់ ២០៨ដុល្លារ សម្រាប់ឆ្នាំ២០២៥។ ការឡើងប្រាក់ខែថ្មីនេះ ត្រូវអនុវត្តចាប់ពីថ្ងៃទី១ ខែមករា ឆ្នាំ២០២៥។ នេះបើតាមលទ្ធផលនៃកិច្ចប្រជុំចរចាប្រាក់ខែកម្មករកាត់ដេរ កាលពីរសៀលថ្ងៃទី១៩ ខែកញ្ញា ឆ្នាំ២០២៤ ដែលជាយន្តការត្រីភាគី ចូលរួមប្រជុំ រួមមាន ភាគីរាជរដ្ឋាភិបាល ដឹកនាំដោយរដ្ឋមន្ត្រីក្រសួងការងារ ភាគីថៅកែរោងចក្រកាត់ដេរ និងភាគីសហជីព តំណាងកម្មករកាត់ដេរ។