រដ្ឋាភិបាលកម្ពុជាប្រកាសថា ការទាមទារបូរណភាពទឹកដីរបស់កម្ពុជានៅតែបន្តធ្វើ

«ការទាមទារបូរណភាពទឹកដីរបស់យើង នៅតែបន្តធ្វើនៅគ្រប់កន្លែងទាំងអស់។ ពោលគឺរាជរដ្ឋាភិបាល មិនបានបោះបង់ចោលសិទ្ធិការពារទឹកដីនោះឡើយ ហើយការចុះហត្ថលេខាលើបទឈប់បាញ់ ក៏មិនមែនជាថ្នូរនឹងការកាត់ទឹកដីឱ្យគេនោះឡើយ»។ នេះបើតាមលោកនាយករដ្ឋមន្ត្រី ហ៊ុន ម៉ាណែត ប្រាប់ប្រជាពលរដ្ឋភៀសសឹក នៅខេត្តព្រះវិហារ កាលពីថ្ងៃទី៣១ ខែមករា ឆ្នាំ២០២៦ ហើយត្រូវបានលោក ប៉ែន បូណា អ្នកនាំពាក្យរាជរដ្ឋាភិបាល បានលើកមកប្រកាស នៅក្នុងសេចក្តីថ្លែងការណ៍ ស្ដីពី «បច្ចុប្បន្នភាពស្ដីពីការវិវត្តន៍ស្ថានការណ៍ព្រំដែនកម្ពុជា-ថៃ» នៅព្រឹកថ្ងៃទី៣ ខែកុម្ភៈ ឆ្នាំ២០២៦ នេះ នៅទីស្តីការគណៈរដ្ឋមន្ត្រី។