Ar de Coruña (completo)

Mónica Alonso leu o editorial deste programa adicado, como é costume, á actualidade, e comezou o derradeiro Ar de Coruña desta tempada. O programa adicouse ao barrio de Feáns - Novo Mesoiro, e contamos coas respectivas Asociacións de Veciños. Falamos co xestor dun espacio de coworking do barrio, e con 2 usuarios das hortas urbanas. Contamos con: - Javi Fraguel na locución. - Mariano Fernández no control. - Bea Ulalume leu a radiografía de barrio. - Na sección de Ciencia, Verónica Campos. - E na sección de Humor, Samu Cao. - Ademáis, Ángela Triana, Isa Lema, Pablo Rubén Fernández, Roberto Catoira, Esteban FM, Pablo Alegre, Chema Casanova... Audio emitido en Cuac FM o 28-6-2014.

Isa Lema leu o editorial que versou sobre a actualidade política e social e inmediatamente, LUME!! Un Ar de Coruña adicado á II Feira da Economía Social celebrado na cidade da Coruña, con Roberto Catoira e Bea Ulalume desde a Praza de Pontevedra. Tamén falamos do posible (finalmente cumprido) ascenso do Real Clube Deportivo da Coruña, que tratamos na sección de deportes de Pablo Alegre. Participaron tamén: Samu Sánchez, Ángela Triana, Mónica Alonso e Mariano Fernández. Audio emitido en Cuac FM o 31-05-2014.

O programa comezou co tradicional editorial, adicado esta vez ao recente Encontro Estatal e Europeo de Medios Comunitarios, organizado recentemente na Coruña pola Rede de Medios Comunitarios e Cuac FM. E, inmediatamente, LUME! Comeza unha nova edición adicada ao barrio de Catro Camiños - Conducido por Javi Fraguel e Isa Lema. - Bea Ulalume fixo a tradicional Radiografía de Barrio. - Falamos coa Asociación de Comerciantes, co Secretario Comarcal de UGT Coruña e con ATHEGA. - Técnico de son: Mariano Fernández. - Tamén participaron: Pablo, Samu, Mónica Alonso, - Chema levou as redes sociais durante o programa. Audio emitido en Cuac FM o 26-04-2014.

Mónica Alonso leu o editorial que viaxou da Transición (coa recente morte do ex-Presidente Adolfo Suárez) ao desaloxo do CSO de Palavea, deu comezo unha nova edición do programa Ar de Coruña. LUME!! Este mes, o programa estivo adicado ao barrio de Zalaeta. Tivemos radiografía e mosaico sonoro, ademáis de entrevistas a representantes da Asociación de Amigos do Museo de Belas Artes, a Fundación Ronsel e o C.D. Zalaeta. Na segunda hora tivemos a sección de Ciencia para Frikis (Os gatos vivos de Schrödinger), onde tivemos a Jose Antonio García da CEMA (Coordinadora de Estudos en Mamíferos Mariños). A sección farmacéutica "Me lo cubre el seguro" (a cargo de Francisco Javier Víctor Martín), que deu consellos para afeitarse. Nos Espazos Culturais, falamos da Sala Mardigrás, entrevistamos ao músico galego Nacho Mora, e na Axenda Infantil falamos do Titiribaile. Os deportes (con Pablo Alegre) e o humor de "El Mundo Tomorrow) (con Samu), completaron o programa deste mes. Locución: Mónica Alonso e Roberto Catoira. Técnico de son: Mariano Fernández. Axudante do control: Mª José Castelo. Rexiduría e radiografía do barrio: Bea Ulalume. Redes sociais: Isa Lema. Producción auxiliar: Javier Tato, Ángela Triana, Esteban Fernández, Jessica Martínez, Sofía López, María Sánchez e Tere Bermúdez. Audio emitido en Cuac FM o 29-3-2014.

Volta Ar de Coruña a Cuac FM unha tempada máis, con nova sintonía, pero coas mesmas gañas de falar do que pasa na cidade. O editorial locutado por Javi Fraguel sobre a Operación Pokémon deixa paso a un programa adicado ao barrio de Matogrande; falamos coa súa asociación de comerciantes e fixemos unha tertulia sobre o barrio, e escoitamos o Mosaico Sonoro coas voces da cidade. Algunhas das persoas que participaron no programa: Conducción: Javi Fraguel e Isa Lema. Novas incorporacións: Adrián López, Olalla Iglesias, Álex, Marina e Gonzalo Piñeiro. Redes sociais: Mónica Alonso e Álex. Deportes: Pablo Alegre. Ciencia friki: Roberto Catoira e Esteban Fernández. Técnica: Mariano Fernández. El Mundo Tomorrow: Samuel Sánchez. Producción: todos os anteriores e Roberto Catoira, Bea Ulalume e Ángela Triana. Audio emitido en Cuac FM o 22-02-2014. NOTA: non foi poible recuperar o audio do programa anterior (Cap. 36, 3x01), adicado ao barrio de Elviña.

E chegou finalmente a derradeira edición da segunda tempada de Ar de Coruña, programa colaborativo da emisora comunitaria Cuac FM. Finalizamos, como é costume, adicando o programa a un barrio: Orzán, coñecido por ser un dos centros da movida coruñesa. - O programa comezou cun editorial lido por Manu Castiñeira, conductor do programa xunto con Javi Fraguel. A técnica de son recaeu en Mariano Fernández. - Bea Ulalume realizou a derradeira radiografía de barrio da tempada. - En canto ás entrevistas: Cociña Económica (o seu tesoureiro, Emilio Suárez); a Asociación Soho-Orzán (o seu Presidente, Chueco); e a AA.VV. Ensenada Orzán (Aure López); a Federación Provincial de AMPAs de Centros Públicos (o seu Presidente, Virgilio Ogantes). - A nosa firma correu a cargo de Rubén Misa, Vicepresidente de la Asociación Cristalia. - Falamos da nosa final do XIV Concurso de Maquetas. - Finalmente, DEPORTES!, con Pablo Alegre. Audio emitido en Cuac FM o 28-04-2012.

Sardiñeira e Vioño son os barrios da semana nesta nova edición de Ar de Coruña: - Manuel Castiñeira leu o noso editorial, e encargouse da conducción xunto con Javi Fraguel. A técnica de son recaeu en Iverson. - Como cada semana, Bea Ulalume realizou a súa radiografía de barrio, esta vez con "formato aberto". - As asociaciones do barrio foron: AA.VV. dos Mallos, Sagrada Familia e Estación (a súa Presidenta, Aída Antón); a Confederación Galega de Persoas con Discapacidade, COGAMI (María Elena Antelo); e a Fundación Meniños (a Directora Técnica, Cucha Movilla). - A nosa firma, recollida por Lara Blanes, correu a cargo de Samuel López García, directivo de Tempo Novo. - Na sección de Saúde, Ángela Triana entrevistou a Guillermo Aldama, cardiólogo do CHUAC, para resolver dúbidas sobre a cardioloxía. - No Patio de Veciñanza, tivemos a Marta Casal (ACSUR) e Victoria Louro. - Finalmente, DEPORTES!, con Pablo Alegre. Audio emitido en Cuac FM o 24-04-2012.

En pleno 14 de abril de 2012, 81 anos da proclamación da II República Española, Manu Castiñeira le o noso editorial que versou sobre a actualidade semanal. Máis tarde, Monelos foi o barrio ao que se adicou o noso programa: - Roberto Catoira e Manuel Castiñeira ocupáronse da conducción do programa, con Mariano Fernández na técnica de son. - Bea Ulalume ocupouse da radiografía de barrio, como cada semana. - As entidades do barrio foron: AA.VV Monelos y Fuente de las Pajaritas (Ascensión Martínez); a Fundación Mujeres (2 das súas técnicas de igualdade, María Hervada e Esther Basanta); Liceo de Artesanos de Monelos Sociedad Recreativa e Instructiva (o seu Secretario, Suso Vázquez) e a Unión de Radioaficcionados da Coruña (o seu Presidente, Jesús Santaya). - Tivemos a tradicional sección de Saúde, a cargo de Ángela Triana. Esta semana, entrevistou a Guillermo Aldama, cardiólogo do CHUAC, para falar de tres enfermedades cardiovasculares: ángor/angina e infarto. - E no noso Patio de Veciñanza, Pablo Alegre encargouse da Tertulia de Deportes, con Berta García, Xosé Manuel Calvelo, Fernando Buendía e Sandra Fernández Carrera, da Fundación FEDYS. Audio emitido en Cuac FM o 14-04-2012.

En plena Semana Santa, Ar de Coruña decidiu tomarse un descanso e emitir este programa recopilatorio, introducido por Manuel Castiñeira e Jonathan Lema, e con Fernando Losada como editor e técnico de son: - Editorial, lido por Manuel Castiñeira - Radiografía do Ventorrillo. - Entrevista a AsPeSor. - Audio novo, presentado por Jonathan Lema, dunha señora graciosa que Jorge Catoira e Lourdes Alfonso atoparon no seu día nas Atochas. - Mosaico sonoro de la Silva, el último en el que participó Ozzy de Castro (hasta ahora). - Entrevista a Tonecho Pedreira, representante dos traballadores da Torre. - Firma de Aldeas Infantiles. - Patio de Veciñanza. - Sección de Salud sobre o Transtorno de Déficit de Atención e Hiperactividade. - En Deportes, fútbol gaélico. - Polo medio, limos os 30 artigos da Declaración Universal dos Dereitos Humanos. Audio emitido en Cuac FM o 07-04-2012.

Coa resaca da Folga Xeral do 29M, Cuac FM volve a realizar una edición de Ar de Coruña adicado a Oza e As Xubias: - O Editorial foi lido por Manu Castiñeira, conductor do programa xunto con Javi Fraguel. - O noso técnico de son foi Mariano Fernández. - A radiografía do barrio, foi realizada, como de costume, por Bea Ulalume. - Nas entrevistas do barrio tivemos ao Clube Marítimo O Puntal (o seu Contador, Manuel Seijo); e a Susana Lebón (traballadora do Comité de Empresa do Centro de Santiago Apóstol). - A nosa firma correu a cargo de Beatriz, de Farmacéuticos Mundi Galicia. - Tomi Desastre entrou en antena desde a Prisión para falar das novas do Proxecto Cárcere, que tiñan prevista unha xornada de limpeza que foi abortada pola Policía. - O noso Patio de Veciñanza estivo composto por Luisa Varela (Pta. da Federación de Asociacións Veciñáis da Coruña e Área Metropolitana), Domingo Verdini (da AA.VV. do Castrillón) e Suso Prado (da AA.VV. de Eirís). - Ángela Triana rescatou a sección de Saúde entrevistando ao Doutor Carlos Méndez para falar da hipertensión arterial. - Finalmente tivemos a sección de deportes, con Pablo Alegre. Audio emitido en Cuac FM o 31-03-2012.

Esta nova edición de Ar de Coruña está adicada aos barrios de Peruleiro, Mariñeiros e San Pedro de Visma: - Mónica Alonso leu o editorial (en verso) do Ar de Coruña, e conduciu o programa xunto con Javi Fraguel. - Nos controis estiveron Ángela Triana e Mariano Fernández. - Bea Ulalume, como sempre, fixo a súa radiografía de barrio. - Os reporteiros Jorge Catoira e Javi Fraguel, e o editor Iverson, fixeron posible o mosaico sonoro dos barrios. - As asociacións entrevistadas foron: Asociación de Bulimia y Anorexia de A Coruña (a Directora María Ferreiro, e a psicóloga María Blanco http://www.abacoruna.com/ ); a AAVV de Peruleiro e Mariñeiros (o Vicepresidente Luis Suárez); e Equus Zebra (a Secretaria Xeral e Tesoureira María Luisa Pollán http://www.equuszebra.es/ ). - No noso Patio de Veciñanza, adicado ás entidades sociais, falamos de racismo e xenofobia con: Emilio Suárez da Cociña Económica, Marcial de Zocaminhoca, Marga González de Amnistía Internacional e Esperanza Morales de Intermón Oxfam. - Finalmente, con Pablo Alegre, tivemos a nosa sección de Deportes. Audio emitido en Cuac FM o 24-03-2012.

Nesta edición de Ar de Coruña, os barrios da cidade foron Durmideiras e Torre de Hércules. - A editorial foi lida polo noso compañeiro Manu Castiñeira, que voltou ao programa para encargarse da locución, xunto con Javi Fraguel. - A técnica de son recaeu en Ángela Triana. - Bea Ulalume fixo a tradicional radiografía de barrio, aínda que dun xeito algo... diferente ao que estamos acostumados. - O mosaico sonoro realizouse grazas ao traballo na rúa de Iverson e Jorge "Garou" Catoira, e da edición e locución de Mariano Fernández. - Hoxe entrevistamos a Tonecho Pedreira, portavoz das persoas traballadoras na Torre de Hércules, para contarnos o que acontece en torno ao peche do faro romano e, sobre todo a implicación que dito peche ten para eles. - Tamén tivemos a Tomi Legido (alias "Tomi Desastre"), que nos falará sobre o Proxecto Cárcere, onde Cuac FM está implicada. - Na segunda hora, tivemos o noso Patio de Veciñanza, coa Tertulia de Mulleres. Participaron: Belén y Patricia, voluntarias de COSOPGA ( http://nicontigonisinmi.blogspot.com.es/ ); Rocío de Nonmepisesofreghao ( http://nomepisesofreghao.blogaliza.org/ ) e Vera Pidal Pardo (da Asociación Sen Papeis da Coruña). - Finalmente, tivemos a nosa sección de Deportes, con Pablo Alegre. Audio emitido en Cuac FM o 17-03-2012.

Unha nova edición de Ar de Coruña, como sempre adicada a unha zona en concreto da cidade. Esta semana, o barrio ao que se adica o programa e Eirís, "un barrio de moitísima altura". Sumario - O noso editorial correu a cargo do conductor Javi Fraguel, quen levou o programa xunto con Mónica Alonso. A técnica de son foi competencia de Mariano Fernández. - Radiografía de Barrio de Bea Ulalume. - Mosaico sonoro, editado e locutado por Mariano Fernández a partir dos audios recollidos na rúa por Iverson e Jorge "Garou" Catoira. - Asociacións: ASPERGA (Ana Vilariño, traballadora social) e a AA.VV. de Eirís (o seu Pte., Suso Prado). - A nosa firma correu a cargo de de Jorge Castro Ruso, Menores en Red. - O espazo dos Deportes, con Pablo Alegre, foi un pouco máis amplo do habitual. - En Cultura, emitimos unha entrevista dos nosos compañeiros Folk in Trío a Verrogueto. Audio emitido en Cuac FM o 10-03-2012.

Esta semana, o programa comunitario de Cuac FM, Ar de Coruña, adícase aos barrios de Riazor, San Roque de Fóra e a Cidade Escolar. - A editorial foi lida por Mónica Alonso, conductora do programa xunto con Roberto Catoira. - A técnica de son correu a cargo de Mariano Fernández. - A radiografía dos barrios foi realizada, como de costume, por Bea Ulalume. - Os colectivos do barrio entrevistados polo programa foron: Asociación Española contra o Cancro (Elena Viturro), Asociación Unidad Provincial de Parapléxicos da Coruña (José María Méndez López) e a Asociación de Veciños de Riazor (Pedro Méndez). - O mosaico sonoro realizouse grazas á nosa reporteira Mónica Alonso, e á labor de montaxe e locución de Mariano Fernández. - Jorge Castro Ruso, do blogue Menores en Red, foi quen realizou a tradicional firma sobre "A fiabilidade da información na rede". - Na segunda hora, o Patio de Veciñanza, que esta semana está adicada ás asociacións de veciñanza. Luisa Varela, da Federación de Asociacións de Veciños, e Pedro Méndez, da Asociación de Veciños de Riazor. - Finalmente, tivemos a nosa sección de Deportes, con Pablo Alegre. Audio emitido en Cuac FM o 03-03-2012.

Unha semana máis, Cuac FM trae aos auvintes unha edición de Ar de Coruña, adicado esta semana ao coñecido barrio da Sagrada Familia (ou "SaFa"), delimitado polas Av. de Arteixo e Fisterra, e as Rondas de Nelle e Outeiro: - Javi Fraguel e Mónica Alonso fixeron a locución principal do programa, e Mariano Fernández e Ángela Triana foron os técnicos de son. - Bea Ulalume, como cada semana, fixo unha radiografía, ou case que mellor dicir, un tac, do barrio da Sagrada Familia. - O mosaico sonoro correu esta semana a cargo dos reporteiros Lourdes Alfonso e Iverson, mentres que a locución e montaxe do mesmo a realizou Fernando Losada. - FEAFES (a orientadora Cristina Rivas e a beneficiaria Azucena García), a "Asociación de Vecinos e Comerciantes Paternidad Área Sagrada Familia" (Eugenio Pérez e Noemí Ferreiro) e Ecodesarrollo Gaia (Guillermo Fernández-Obanza, "Mito") foron as asociacións da Sagrada Familia entrevistadas. - A actualidade nos levou á AA.VV. IAR do Castrillón (min 63), que estaban encerrados no Centro Cívico do Castrillón. Domingo Verdini nos contou por que. - O noso Patio de Veciñanza consistiu nunha tertulia social que contou con Amnistía Internacional (Marga González), Intermón Oxfam (Maika Beltrán) e a Cociña Económica (Emilio Suárez). - Finalmente, Pablo Alegre tróuxonos o deporte local, e falamos do fútbol gaélico. Audio emitido en Cuac FM o 25-02-2012.

Hay un ano, Ar de Coruña comezou a súa andadura no coñecido barrio de Montealto. Para celebra-lo aniversario, volvemos á zona pasando polo seu barrio irmán: Atochas. - Conducidos por Mariano Fernández, Javi Fraguel e Bea Ulalume. No control técnico tivemos a Ángela Triana, e na rexiduría, a Jorge "Garou" Catoira. Non podemos olvidar a nosa producción, levada a cargo (entre outros), por Antonio Prado, Lourdes Alfonso, Roberto Catoira... - Bea Ulalume fixo, como de costume, a tradicional radiografía de barrio. - Tivemos como convidados a representantes de Solidariedade Galega (Enrique Rodríguez) e a AA.VV. Atochas-Montealto (o seu Pte. Alberte Fernández). - Tivemos o noso tradicional mosaico sonoro, grazas aos audios recollidos na rúa por Jorge "Garou" Catoira e Lourdes Alfonso, e montado e locutado por Fernando Losada. Neste mosaico, tamén falamos do antroido. - Telefónicamente, falamos con Romualdo, dos Maracos, que gañaron o concurso de comparsas. - Na nosa sección de saúde, Ángela Triana falou coa psicóloga Lidia Presa para falar do transtorno por déficit de atención e hiperactividad. - No noso patio de veciñanza tivemos Tertulia de Xénero, con Victoria Louro e Sara Lorenzo (do Centro Social Okupado de Palavea). - Finalmente, tivemos a nosa sección de deportes, con Pablo Alegre. Audio emitido en Cuac FM o 18-02-2012.

Nova edición do Ar de Coruña adicada á Cidade Xardín e o Paseo das Pontes. - O programa comezou cun editorial lido por Javi Fraguel, conductor do programa, xunto con Mónica Alonso e Mariano Fernández (técnico de son). - Tra-lo sumario, entrevistamos ao Xerente de ASPRONAGA, e con representantes do C.D.Ciudad Jardín. - Non faltaron a radiografía de Bea Ulalume e o mosaico sonoro, montado e locutado por Fernando Losada a partir do traballo a pé de rúa de Lourdes Alfonso. - A nosa firma, recollida por Lara Blanes, foi a cargo de Zocaminhoca. - Antonio Prado entrevistou a Xosé Lois Romero e Suso Bahamonde compoñentes do trío Bahamonde, Lamas e Romero. - Pablo Alegre traerános a sección semanal de deportes. - No noso Patio de Veciñanza (adicado esta semana ao deporte de base), tivemos representantes locales de rugby femenino, softball, baloncesto, e a Fundación Española Deporte e Saúde. Audio emitido en Cuac FM o 11-02-2012.

A primeira edición de febreiro do Ar de Coruña adicouse aos barrios do Castrillón e o Monte das Moas. Con Ángela Triana de técnica de son, e Javi Fraguel, Mariano Fernández e Bea Ulalume na locución, o programa constou de: - Editorial, lido por Mariano Fernández, e sumario. - Radiografía de barrio, de Bea Ulalume. - Mosaico sonoro montado por Fernando Losada a partir dos audios recollidos na rúa por Lourdes Alfonso e Mónica Alonso. Además, a segunda parte do mosaico sonoro da Silva, a partir dos audios recollidos por Ozzy de Castro e Jorge Catoira, e montado de novo por Fernando Losada (a primeira parte se emitiu a semana pasada). - Entrevistas a Marcial Blanco (Cooperativa de consumo responsable Zocaminhoca); Domingo Verdini da AAVV IAR (do Castrillón Urbanización Soto); e (vía teléfono), Gorka de Luis, Coordinador Provincial do Secretariado Gitano. - O noso Patio de Veciñanza, adicado esta semana ás asociacións de veciños. Voltou aos micros Domingo Verdini, acompañado de Luisa Varela, da Federación de Asociacións de Vecinos e Rosa Quiroga, da AA.VV. da Cidade Vella. - Saúde, a cargo de Ángela Triana. - Deportes, a cargo de Pablo Alegre. Audio emitido en Cuac FM o 04-02-2012.

Nova edición do Ar de Coruña, adicado aos barrios de Cances, Silva e Penamoa. O inicio foi un pouco accidentado a causa dunha migraña do conductor, Javi Fraguel, polo que a lectura do editorial a continuou máis tarde a nosa compañeira Mónica Alonso, editorial que versou sobre as recentes mortes na praia do Orzán. - Tivemos a tradicional radiografía de barrio, producida e locutada por Bea Ulalume. - Tamén o mosaico sonoro, montado a partir dos audios recollidos na rúa por Ozzy de Castro e Jorge Catoira, e locutado e montado por Fernando Losada. - Entrevistamos a Silva S.D. e Tierra de Hombres. - Na sección de Saúde, de Angela Triana, falamos de Diálise. - Na nosa firma foi realizada por Arquitectos sen Fronteiras. - No noso Patio de Veciñanza, estreamos a nosa Tertulia social. Audio emitido en Cuac FM o 21-01-2012.

Nova edición do Ar de Coruña, esta vez adicada (na súa primeira hora) aos barrios do Gurugú (chamado ás veces "Falperra") e Santa Margarida. O programa constou das seguintes seccións: - Editorial, lido por Javi Fraguel, conductor do programa, xunto con Manuel Castiñeira. - A radiografía de Barrio, a cargo de Bea Ulalume. - Entrevistamos á Asociación para la Integración del Niño Disminuido, a Xacarandaina e a Casa Hamlet. - Teremos a tradicional sección de Saúde. - Por suposto, tamén a de Deportes. - Estreamos a nosa Tertulia de Xénero. O técnico de son foi Mariano Fernández. Audio emitido en Cuac FM o 21-01-2012.

Nova edición de Ar de Coruña adicada (esta vez) aos barrios da Gaiteira e Cubela. No programa se presentaron, además, o curso "Isto é Galego", realizado polo Equipo de Redacción de Cuac FM, e a reposición de "Jichos. Una historia de la calle", unha radionovela realizada anos atrás por Cuac FM. Audio emitido en Cuac FM o 17-12-2011.

O programa de hoxe foi una edición especial de Ar de Coruña adicada á conmemoración do Día Dos Dereitos Humanos, 10 de decembro. Conducido por Manu Castiñeira e Javi Fraguel, o programa tivo como convidada Marga González de Amnistía Internacional. Seguidamente, comentáronse realidades vinculadas á ausencia de dereitos económicos e sociais, coa presencia de representantes da Cociña Económica e do Refuxio Padre Rubinos. E, para falar do dereito a comunicar, tivemos a Miriam Meda e a Mariano Fernández, como representantes da ReMC. Durante o programa, locutamos os trinta artigos da Declaración Universal dos Dereitos Humanos. Audio emitido en Cuac FM o 10-12-2011.

O céntrico e conocido barrio do Ensanche é o protagonista desta semana no programa comunitario Ar de Coruña, que se emite tódolos sábados de 12 a 14 horas en Cuac FM, 103.4 FM A Coruña. Manuel Castiñeira e Mónica Alonso conducen o programa que ten a Mariano Fernández e Iversons nos controis. Bea Ulalume, como de costume, fixo a súa radiografía de barrio; e xusto despóis, emitimos a entrevista que ela mesma fixo coa Asociación de Persoas Xordas Aspesor. Na sección de Deportes, Pablo Alegre entrevista a Marta Cidrás (alias "Chil"), ex-jugadora e engargada da prensa do Club Deportivo Zalaeta de Rugbi. Aldeas Infantiles es quien realiza nuestra firma semanal. No Patio de Veciñanza participaron Tania Pumares da AA.VV. de Pedralonga, e Juan Sánchez Albornoz, da AA.VV. da Zapateira. Audio emitido en Cuac FM o 03-12-2011.

Nova edición do Ar de Coruña, esta vez adicada ao alonxado Barrio de Palavea, marcado polo aillamento e polo centro comercial Alcampo. Tamén prestamos atención á okupación dunha casa en Santa Xema, á saúde, aos deportes, e do Día Internacional da Non Violencia Contra a Muller. Audio emitido en Cuac FM o 26-11-2011.

Novo capítulo do Ar de Coruña que, como de costume, consta de dúas horas. A primeira delas, adicada aos Barrios de O Portiño e Bens. Audio emitido en Cuac FM o 19-11-2011.

Unha nova edición do programa comunitario Ar de Coruña, realizado pola Coordinadora de Redacción de Cuac FM. O barrio da semana foi a coñecida Cidade Vella. - Técnico de Son: Mariano Fernández. - Editorial lido por Manuel Castiñeira, conductor e locutor do programa, axudado por Roberto Catoira. - Bea Ulalume fixo a súa tradicional radiografía de barrio. - Roberto Catoira entrevista a Felipe Senén, Pte da Asociación de Amigos dos Museos. - Escoitamos o mosaico sonoro feito por Iverson a partir dos audios recollidos na rúa por él mesmo e por Ozzy de Castro. - Rosa Quiroga da AA.VV da Cidade Vella, e Adolfo López de CECA (Asociación de Comerciantes e Empresarios da Cidade Antiga). - A nosa firma correu a cargo de Jorge Castro Ruso de MenoresenRed.com - No apartado de Saúde, Ángela Triana entrevistou a Elena Peláez, enfermera, para hablar sobre o embarazo e o parto. - A sección de deportes foi conducida polo noso compañeiro Pablo Alegre. - Roberto Catoira conduciu o noso Patio de Veciñanza, con Rosa Quiroga (AA.VV da Cidade Vella) e Suso Prado (AA.VV. de Eirís). - E na sección de Cultura, música. Os nosos compañeiros Marta Chil, Saray Bocija e Noel Miguélez estiveron co grupo "Guacamola". Audio emitido en Cuac FM o 12-11-2011. NOTA: perdeuse a gravación do capítulo 14 (2x01) do Ar de Coruña, adicado ao Barrio do Ventorrillo. As nosas máis sinceras desculpas.

Remata a primeira tempada do Ar de Coruña cun especial sobre o Día das Letras Galegas (adicado a Lois Pereiro), onde se emitiron varias pezas do "Isto é Galego", curso de galego realizado pola Coordinadora de Redacción de Cuac FM. Conducido por Jorge Catoira e Mónica Alonso, e con Manuel Castiñeira aos controis técnicos. Audio emitido en Cuac FM o 14-05-2011.

Nesta nova entrega do magazine comunitario desde o Estudio 1 de CUAC FM, o Equipo de Redacción da emisora achegouse ó barrio do Castro de Elviña. Presentaron o programa Jorge Catoira e Manuel Castiñeira, contando coa colaboración de Bea Ulalume (Radiografía e Axenda Infantil) e de Mariano Fernández, que se encargou do control técnico. Na primeira hora de emisión escoitamos a Radiografía adicada ó barrio da semana e realizada por Bea Ulalume. Tivemos a visita de tres asociacións do lugar, as cales nos falaron das súas agrupacións e actividades, así como das relacións que manteñen co barrio: A Sociedade Deportiva Relámpago (Relámpago S. D.), que enviou a Ignacio Bermúdez A Asociación de Veciños Os Rexumeiros, representada polo seu vicepresidente, Luis Gómez A Sociedade Recreativa, Cultural e Deportiva Tempo Novo, por medio de Samuel Como é habitual, dous reporteiros, nesta ocasión Marta Chil e Jorge Catoira, recolleron as voces da veciñanza que forman o mosaico sonoro realizado por Borja Granados. O tema das expropiacións na zona do pobo de Elviña foi tratado nas voces dos nosos tres convidados. Na segunda hora emitimos a firma semanal, esta vez a cargo de Solidariedade Galega. Fina Pombo comentou o traballo de cooperación en oftalmoloxía en varios países de Latinoamérica. A parte de Sociedade recibíu a visita de Jorge Castro Ruso para falar de mobilización real en relación con Internet. En Cultura soubemos da Axenda Infantil para os próximos días e puidemos escoitar un fragmento dunha entrevista realizada ó grupo madrileño Lamprologus, gañadores do XIII Concurso de Maquetas de CUAC FM. Finalmente, en Actualidade, falamos telefonicamente con Eduardo Romero, ponente da palestra “O impacto da crise sobre as persoas migrantes” no luns seguinte, recollemos un par de informacións deportivas e mencionamos a celebración das II Xornadas de Consumo Consciente e Responsable organizadas polo colectivo Zocaminhoca. Rematamos a emisión escoitando o que nos contou Javier Novelle, presidente da Asociación de Amigos da Casa das Ciencias, en relación co Día da Ciencia na Rúa. Audio emitido en Cuac FM o 07-05-2011.

Ar de Coruña emitíuse desde o Parque de Marte, lugar onde se realizou a I Romaría Asociativa de CUAC FM. Os equipos de Redacción e de Tecnoloxía achegaron á rúa o magazine comunitario semanal da emisora. Diversas asociacións participantes neste encontro pasaron polos micrófonos deste programa especial centrado no asociacionismo, e conversaron con Mariano Fernández e Manuel Castiñeira. Os reporteiros Diego de la Vega e Iverson recolleron as impresións dalgúns dos asistentes a esta I Romaría Asociativa. Marcial Blanco foi o primeiro convidado neste undécimo programa. É membro de Zocaminhoca, unha cooperativa de consumo responsable da cidade. Roberto Catoira, da Agrupación Cultural Alexandre Bóveda, e Sheila, do Centro Social Gomes Gaioso, falaron das principais actividades que desenvolven nas súas respectivas agrupacións e da visibilidade do tecido asociativo da cidade. Ozzy de Castro volveu á rúa para recoller opinións sobre o movemento asociativo na Coruña. O mosaico sonoro foi completado coa produción e locución de Antón Dubra. Adama e Jimmy, dous senegaleses da Asociación Sen Papeis da Coruña, tamén conversaron cos nosos locutores. Tomás Legido lembrounos a celebración do concerto correspondente á final do XIII Concurso de Maquetas de CUAC FM esa mesma noite. Finalmente, uns representantes de ADCOR, organización sen ánimo de lucro adicada a axudar a persoas adultas con discapacidade intelectual, deixou constancia do labor do seu colectivo. Audio emitido en Cuac FM o 30-04-2011.

No primeiro programa grabado de Ar de Coruña fixemos unha especie de compendio do que levamos realizando ata agora. Seleccionamos unha sección de cada capítulo para mostrar o que facemos. Conducido por Mariano Fernández e Manuel Castiñeira, este programa non tivo Editorial, Sumario nin sección de Actualidade, mais sí se mantiveron a Radiografía do Barrio, o Mosaico Sonoro, a Firma, as seccións de Cultura e Sociedade, e por suposto as entrevistas. Audio emitido en Cuac FM o 23-04-2011.

O noveno Ar de Coruña achegouse ó histórico barrio de Labañou. A emisión foi conducida por Mariano Fernández e Mónica Alonso. Manuel Castiñeira ocupouse do control técnico coa colaboración de Ángela Triana. Este programa, realizado polo Equipo de Redacción de CUAC FM, incluíu os seguintes contidos: A habitual radiografía do barrio. Entrevista cos convidados Enrique Fernández Maceiras (presidente da Asociación de Veciños de Labañou), Chefa Pérez (presidenta de ASCODI – Asociación Comunitaria do Distrito Quinto), Rosalindo Villoria (voceiro e fundador de ASCODI) e Carlos Martín (presidente da Asociación de Veciños de San Pedro de Visma). O usual mosaico sonoro realizado por Antón Dubra a partir das voces da veciñanza recollidas por Ozzy de Castro e Jorge Catoira. Marta Chil visitou a Libraría de Barrio, optando por desprazarse á Praza do Conservatorio 8 para darnos a coñecer a libraría Ciudad Escolar. Na segunda hora puidemos escoitar o que segue: A Axenda Infantil na voz dos conductores e de Jorge Catoira. A sección de Cultura recibíu ó grupo madrileño Havalina, de concerto na cidade o día de emisión do programa, e que interpretaron dous temas en vivo e en directo desde o Estudio Alexandre Bóveda. Na parte de Sociedade os nosos conductores falaron con Jorge Sampedro, educador social e vinculado ó Albergue de Transeúntes da Institución Benéfico-Social Padre Rubinos, unha das asociacións máis destacadas do barrio de Labañou. A firma deste día levou o nome de Intermón Oxfam e a voz de Mayka Beltrán, que falou acerca da carta que varios economistas enviaron ós Ministros de Economía do G20 en relación co respaldo a unha taxa ás transaccións financeiras. Rematamos con Actualidade, dando lectura ó comunicado emitido poucos días atrás polo Centro Social Ocupado Casa das Atochas ante o forzado desaloxo realizado. Audio emitido en Cuac FM el 16-04-2011.

Tras a experiencia no Achegarte da semana pasada, Ar de Coruña volve ao seu formato habitual adicando a súa primeira hora a un barrio: Os Castros. Audio emitido en Cuac FM o 09-04-2011.

O primeiro programa de Ar de Coruña desde fora dos Estudios José Couso e Alexandre Bóveda da Zapateira se realizou dende a feira AchegArte. O audio non está exento de problemas técnicos (que cortaron a emisión do noso programa durante un tempo), e houbo que recortar uns minutos. Programa especial realizado con estudio móbil en Palexco, co motivo da celebración da feira AchegArte 2011, un espazo dedicado á creación e á industria cultural de Galicia. O son víuse afectado por contratempos técnicos que incluso acurtaron a duración inicial do noso programa, razón pola cal pedimos desculpas ós nosos oíntes. A emisión foi conducida por Mariano Fernández e Manuel Castiñeira, e contou co control técnico de Fernando Souto e de Ángela Triana, ademais da sempre valiosa colaboración da Coordinadora de Redacción e da Coordinadora de Tecnoloxía de CUAC FM. Os contidos desta entrega especial AchegArte foron os seguintes: - Extracto da entrevista realizada para a emisora a Fernando Madina, do grupo Reincidentes. - María Xosé Bravo, concelleira de Cultura da nosa cidade, falounos acerca de AchegArte. - Charla con aCentral Folque, centro galego de música popular. - Fernando Losada falou con Rodrigo de Urco Editora. - Diego de la Vega conversou cun representante de Alita Comics. - Entrevista con Lázaro de UNIMA Galicia, asociación centrada na arte da marioneta. - Visita de Luz Castro, de Imaxin Software, empresa de consultoría e desenvolvemento de servizos software. - Charla cos escritores Estíbaliz Espinosa e Xabier P. DoCampo. - Entrevista con Begoña Cuquejo e Marta Alonso de Danesga (Asociación Profesional de Danza Escénica Galega). - Antonio Prado falou con Tati Mancebo, representante do grupo de asistencia cultural na rede Algueirada. - Rematando a emisión, houbo tempo para facer unhas preguntas e escoitar ós cantareiros Maghúa. - Tivemos tamén a fugaz visita sorpresa dun querido membro de CUAC FM no pasado. - Achegamos tamén o mosaico sonoro producido e locutado por Fernando Losada a partir das respostas ás preguntas de Mónica Alonso en relación a AchegArte e á cultura. Audio emitido en Cuac FM o 02/03/2011.

O novo capítulo de Ar de Coruña versou sobre o Barrio de Peixería, delimitado entre os cantóns e a rúa San Andrés. Audio emitido en Cuac FM o 26/03/2011.

Ar de Coruña realiza a súa primeira experiencia realizando un programa de unha hora desde o Obelisco da Coruña. Conducido por Diego de la Vega, e con Tomás Legido, Antonio Prado e o Sr. Iverson. O técnico de son foi Álex Cortiñas. O programa repasa a historia da emisora comunitaria Cuac FM e relata os diferentes actos que realizará en conmemoración do seu 15º Aniversario. O programa se emitiu de 11:00 a 12:00 da mañá, xusto antes do capítulo 6 de Ar de Coruña, adicado ao barrio de Peixería (onde se ubican os Cantóns).

Tras a xa histórica cuña de Cuac FM "Qué bonitas son las ondas radiofónicas que llevan el Mundo hasta tu casa", comeza Ar de Coruña, o programa realizado pola Coordinadora de Redacción da emisora comunitaria Cuac FM, 103.4 FM A Coruña. Mónica Alonso e Manuel Castiñeira conduciron unha nova entrega deste esforzo colectivo do equipo de Redacción de CUAC FM, con Ángela Triana no control técnico: Ar de Coruña. A primeira hora de emisión estivo adicada a un dos barrios máis novos da cidade. Os Rosales foi o protagonista do noso quinto capítulo. Como é habitual, escoitamos a radiografía sonora do barrio realizada por Bea Ulalume. O Presidente da Asociación de Veciños dos Rosales, Fernando Carrillo, e o seu Vicepresidente, Francisco Javier Rivera, viñeron para dar a súa visión do que acontece nesta parte da cidade, e coñeceron con nós o mosaico sonoro recollido por Ozzy de Castro e Vera Pidal Pardo, e editado por Fernando Losada e Fer Liñares. Tivemos ocasión de departir con dúas asociacións centradas na atención en persoas con discapacidade intelectual presentes no barrio: Adcor, representada por Marga Garrido, e Artefíos, que tamén quixo deixar constancia da súa presencia. Aínda nos Rosales, Vera Pidal Pardo visitou a librería de barrio, Espacio Cultural, situada na rúa Manuel Azaña 42. De cheo na segunda hora de emisión, visitounos Jorge Castro de Menores en Red para deixarnos a súa firma. A sección de Cultura trouxo unha entrevista con Enric Montefusco, membro do grupo catalán Standstill, no seu paso pola cidade. Non faltou a Axenda Infantil nas voces dos presentadores e de Jorge Catoira. Ademais, o cantautor coruñés Félix Arias pasou polo Estudio 1 de CUAC FM para responder as nosas preguntas e tocar unha canción coa súa guitarra, anunciando o seu concerto desa mesma noite. Actualidade centrouse na mesa redonda celebrada no día anterior no Centro Cívico do Castrillón, na cal a organización ATTAC falaba de alternativas financieiras, e que recollíu e comentou Jorge Catoira. Tamén houbo espazo para informarnos da reapertura da Velvet, un emblemático local da Cidade Vella. Finalizamos o programa na parte de Sociedade falando con Rebeca López Caramés de CASCO, o Comité Cidadán AntiSIDA da Coruña, que se acercou ata a nosa nova emisora con Juan Carlos Espinosa, monitor do piso de acollida da asociación. Sentimos non poder ofrecer o audio do programa da semana pasada (adicado ao Barrio das Flores). Audio emitido en Cuac FM o 19-03-2011.

Chegou o mes de marzo, e con el a terceira edición de Ar de Coruña, o programa comunitario de CUAC FM. Nesta ocasión, Os Mallos foi o barrio elixido para a primeira hora de emisión desta nova entrega, conducida por Jorge Catoira e Mariano Fernández, e que contou con Ángela Triana e Manuel Castiñeira no control técnico. Como é habitual, Bea Ulalume realizou unha radiografía do barrio protagonista da semana. De seguido escoitamos a entrevista que Mariano Fernández e Ozzy de Castro mantiveron con dúas representantes da ONG para o desenvolvemento Ecos Do Sur. A continuación chegou o tamén habitual mosaico sonoro recollido por Ozzy de Castro e Fernando Losada, e editado e locutado por Víctor Grande. Marta Chil e Roberto Catoira visitaron a librería 7 Mares, especializada en viaxes e situada na rúa Alcalde Asúnsolo, 7. A primeira hora finalizou coa intervención de J. Alejandro Salgado, Presidente da Asociación de Comerciantes Distrito Mallos. Contamos coa firma de Antía González Pombo, membro da ONGD Solidariedade Galega. A sección de Cultura recibíu a dous membros da Asociación Cultural Manicómicos que nos falaron acerca das súas actividades actuais. Os conductores do programa e Bea Ulalume repasaron a Axenda Infantil antes de entrevistar ó artista plástico Victoriano Fernández en calidade de integrante da exposición de marzo na galería 981 Style. A Actualidade centrouse no Entroido. Os presentadores falaron con Manuel Salinas, da Comparsa Monte Alto A 100, que nos deixou un sabor carnavalesco, reflexo do que ocorre na cidade nestas datas. Xa en Sociedade, recibimos a Marcos Gay de ATTAC, e coa súa interesante entrevista finalizou o noso tempo ata a semana próxima.

Unha semana despois da súa estrea, Ar de Coruña, o novo programa comunitario de CUAC FM, colle máis folgos e chega á súa segunda entrega. Nesta ocasión a primeira hora do programa estivo adicada a outro destacado barrio da cidade: Agra do Orzán. Mariano Fernández ocupouse do control técnico, sendo conducido o magazine por Mónica Alonso e Jorge Catoira. Bea Ulalume encargouse de mostrarnos unha contextualización do barrio como punto de partida para achegarse a esta parte da cidade. A continuación, os presentadores pasaron a entrevistar a tres representantes da Asociación Veciñal Agra do Orzán. Chegou despois o mosaico sonoro realizado por Víctor Grande a partir das entrevistas na rúa feitas por Ozzy de Castro e Jorge Catoira. Outras voces do barrio tiveron cabida e conversaron cos nosos conductores no estudio 1 de CUAC FM: trátase de Nicanor Acosta, de Forum Propolis; Rubén Sánchez, director de La Voz del Barrio, e Guillermo Zurita en representación da Asociación de Sin Papeles da Coruña. A primeira hora do programa rematou coa visita que Marta Chil realizou á libraría da semana: Couceiro, situada na Ronda de Outeiro 248, da cal saíu con varias recomendacións de lectura. A parte centrada na Cultura comezou cunha entrevista ó grupo coruñés Proyecto Kournikova, da man de Ángela Triana. A presencia desta banda completouse con dúas das súas cancións interpretadas en directo e en acústico desde o Estudio Alexandre Bóveda da emisora. Intermón Oxfam deixounos unha sinatura repleta de sensibilidade social. Para rematar este tempo do programa, Bea Ulalume, Fernando Losada e Manuel Castiñeira encargáronse da Axenda Infantil da semana. A Actualidade achegouse à Praza de España, onde Antonio Prado entrevistou a algúns veciños acerca da remodelación e inauguración dos novos espazos do Campo da Leña. Tamén tivo a oportunidade de conversar co arquitecto Felipe Peña, responsable desta reforma. A continuación emitíuse unha reportaxe de Mariano Fernández e Fernando Losada na que se recolleu un acto reivindicativo respecto do pequeno comercio dentro do proxecto Pequenas Superficies. Finalmente, na parte dedicada a Sociedade, Mónica Alonso e Jorge Catoira achegáronse a Masa Crítica, un colectivo ciclista ó que pertencen os convidados Fran García Campos e Luis Domínguez Muñoz.

Ás 12 do mediodía deu comezo o magacín comunitario Ar de Coruña, un programa feito por e para a cidade. É un programa colaborativo feito por un grande número de persoas involucradas. É un ilusionante proxecto que facía falla nesta emisora comunitaria (e na radio coruñesa en xeral): dúas horas adicadas a falar da xente da rúa, das asociacións, dos barrios, da cultura. Con Iverson de técnico de son, Mariano Fernández e Mónica Alonso deron comezo ao programa nunha presentación na que explicaron a grandes rasgos de que vai ir este programa. A primeira hora trata dun barrio en concreto, neste caso, Montealto, un dos máis emblemáticos barrios da cidade. Bea Ulalume realizou unha contextualización do barrio, e despóis se emitiu o mosaico sonoro, locutado e producido por Víctor Grande a partir das entrevistas na rúa que realizaron Ozzy de Castro e Vera Pidal. Inmediatamente despois, os conductores entrevistaron a un dos persoeiros máis emblemáticos do barrio: Xurxo Souto, cantante de Os Diplomáticos de Montealto e, por que non dicilo, un dos padriños de Cuac FM, que nos contou que significa para el o barrio desta semana de Ar de Coruña. Tras unha peza sonora de Manolo Rivas, Marta Chil foi á librería Sisargas (Rúa Curros Enríquez, 9) (situada no barrio de Montealto), onde nos recomendaron o libro Todo menos o cuiñar, de John Barlow. En canto á parte máis social do barrio, Vera Pidal e Ozzy de Castro entrevistaron a Roci, do Centro Social Atreu (Travesía San Xosé, 2, baixo), que dan espazo a diversos colectivos sociais; e a un dos colectivos que participan en Atreu: Nomepisesofreghao (colectivo feminista). A seguinte entrevista foi a Virxilio Teixeiro, que nos falou do Centro Social Okupado Casa das Atochas. A segunda hora consta de tres partes ben diferenciadas: Cultura, Actualidade e Sociedade. En Cultura, que Tomás Legido realizou unha entrevista a Felipe Criado sobre a inauguración da Normal, e con Luis Diaz, un dos fotógrafos que participan na exposición que inaugura este espazo da UDC; e posteriormente, Mónica Alonso, Mariano Fernández, Jorge Catoira e Roberto Catoira repasaron a axenda cultural da semana, onde se recordou a entrevista que o grupo A Rolos de Salitre concedeu ao noso programa Folk in Trío (e que nos cedeu amablemente Antonio Prado), xa que hoxe o citado grupo tocaba na FNAC. En Actualidade, conectamos en directo con Manuel Castiñeira e Fernando Losada, quen entraron en directo dende o Palexco, onde se estaba a celebrar o Espazo Solidario, unha feira de máis de 50 asociacións con presenza nesta cidade. En directo, entrevistouse a representantes de ADEGA, ACSUR-Galiza e Viraventos. No caso de ACSUR cortouse a comunicación en directo, pero gravamos un audio a maiores que colgaremos en breve no noso podcast. En Sociedade, Mariano Fernández entrevistou no Estudio José Couso a un integrante do Centro Social Gomes Gaioso, que ao igual que Atreu e a Casa das Atochas, tamén se atopa no Barrio de Montealto, e ao igual que as anteriores, falounos das diversas actividades que están a realizar. Ademáis, no Espazo Solidario, os nosos reporteiros estiveron entrevistando a outras asociacións asociacións amais das que saíron do programa; eses audios emitiránse nos vindeiros programas de Áfrika Páprika.