Morgunútvarpið

Olympíuleikarnir í Tókýó verða settir á föstudag, en keppni er þó hafin í einhverjum greinum t.d. knattspyrnu kvenna. Okkar menn eru komnir á staðinn og við slógum á þráðinn til Japans og heyrðum í Þorkeli Gunnar Sigurbjörnssyni. Við fengum málfarshorn þessa vikuna en Anna Sigríður Þráinsdóttir málfarsráðunautur leit við í létt spjall og þar voru mállýskur á dagskrá. Það er fátt betra en góð gönguferð um okkar fallega land til að kynnast náttúru, sögu, dýralífi og gróðurfari. Góð leiðsögn og frábær félagsskapur eykur svo enn frekar á jákvæða upplifun, en Ferðafélag Íslands býður upp á svokallaðar sumarleyfisferðir. Sífellt fleiri fara í sumarleyfisferð á hverju sumri og sumir jafnvel tvær eða þrjár. Páll Ásgeir Ásgeirsson hjá Ferðafélaginu kom til okkar en hann er búinn að fara þrjá ferðir á Hornstrandir í sumar og eina ferð hinn svokallaða Laugaveg og á þrjár eftir. Ragnar Þór Pétursson, formaður Kennarasambands Íslands, skrifaði grein á Vísi í gær undir heitinu Hvernig gerum við nú í nýrri bylgju? þar sem hann veltir vöngum yfir næstu skrefum í baráttunni við Covid-19. Hann segir ljóst að við þurfum að færa fórnir og að umræðan hérlendis hafi mikið til snúist um það hvenær við getum aftur farið að haga okkur eins og við viljum og fáum athafnafrelsi okkar til baka, alveg eins og það var. Ragnar Þór kom til okkar og ræddi þetta ásamt skólastarfinu, en nú er stutt í að öll leikskóla- og grunnskólabörn landsins, sem eru óbólusett, snúi aftur í skólana. Halldór Guðmundsson rithöfundur hefur skrifað bókina Sagnalandið sem er nýútkomin. Þar fer höfundur með lesendur í ferð um landið og skoðar staði sem um hafa spunnist sögur, sem svo aftur hafa orðið kveikja ljóða eða skáldsagna. Komið er við á 30 stöðum í bókinni og við hringdum í Halldór sem var einmitt staddur í Suðursveit og lumaði auðvitað á sögum þaðan. Tónlist: Eivör Pálsdóttir - Við gengum tvö. John Grant - Marz. Police - Every breath you take. Bubbi Morthens - Ennþá er tími. Stefán Hilmarsson - Heimur allur hlær. Lay Low - By and by. Joy Crookes - Feet dont fail me now. Pet Shop Boys - Always on my mind. Aron Can - Flýg upp.

Umsjón Felix Bergsson og Drífa Viðarsdóttir Sunnudaginn 18. júlí n.k. verður Dagur íslenska fjárhundsins haldinn hátíðlegur í sjötta sinn. Eigendur íslenskra fjárhunda munu að venju koma saman í stærri og smærri hópum og njóta dagsins með ferfættum vinum sínum. Stærri viðburðir verða í Árbæjarsafni og svo er eitthvað í gangi í Skagafirðinum líka. Við heyrðum í einum skipuleggjenda Þórhildi Bjartmarz Lambhagi gróðrarstöð hefur tekið í notkun nýtt gróðurhús að Lundi í Mosfellssbæ. Húsið er 7000 fm að stærð og eitt það fullkomnasta á Norðurlöndum. Hafberg Þórisson bóndi og garðyrkjumaður, stofnaði Lambhaga árið 1979 og hefur hann hannað ný færibönd og vinnslulínu í nýju stöðinni ásamt dönsku fyrirtæki. Götubitahátið Íslands 2021 ásamt stærstu götubita keppni í heimi ? ?European Street Food Awards? fer nú fram í Hljómskálagarðinum í Reykjavik nú um helgina 17-18 júlí. Á hátíðinni verður að finna alla helstu matarvagna og götubita söluaðila á Íslandi. Keppnin er haldin víðsvegar um Evrópu og mun Ísland því vera með fulltrúa í loka keppninni erlendis (þegar takmörkunum linnir erlendis) Fréttir vikunnar verða á sínum stað og að þessu sinni kom til okkar frækinn blaðamaður, Erla Gunnarsdóttir á Bændablaðinu. Enn er ótrúlega mikið í fréttum miðað við sumartíma og því margt að ræða. Það eru líkur til þess að eftirmálar EM, ástandið í Suður Afríku, fjöldagrafir í Kanada, já og fjölgun kórónuveiru smita komu við sögu auk alls hins sem nauðsynlegt var að ræða. Það verður sumargleðisprengja sem kom okkur inn í helgina því söngkonan skemmtilega Sigga Eyrún Friðriksdóttir kom með glænýjan sumarsmell í farteskinu sem hún vann með eiginmanninum Karli Olgeirssyni. Landið er að rísa hjá listamönnum og við heyrðum af framtíðarverkefnum þeirra hjóna og hvernig sumarið hefur leikið fjölskylduna sísyngjandi.

Hildur Leifsdóttir, lögmaður fyrirtækisins Eldum rétt, kom til okkar en fyrirtækið íhugar nú skaðabótamál gegn verkalýðsfélaginu Eflingu í framhaldi af því að dómsmáli gegn Eldum rétt var vísað frá dómi fyrr í vikunni. Í gærkvöldi sýndi RÚV heimildamynd um lesblindu. Sylvía Melsted leiðir myndina og segir frá sinni reynslu ásamt öðrum einstaklingum- hvernig skólakerfið brást, hvernig þau upplifðu sig heimsk, hvernig svokölluð hugarkort hjálpa við skilning. Við fengum leikstjórann Álfheiði Mörtu Kjartansdóttur til okkar til að ræða myndina. Anna Sigríður Þráinsdóttir kom og fjallaði um íslenskt mál. Fréttir vikunnar voru á sínum stað. Þorbjörg Sigríður Gunnlaugsdóttir, alþingismaður, og Steinunn Camilla hjá Iceland Sync, fóru yfir það helsta. Og Hver drap Friðrik Dór, spyr leikarinn Villi Netó í nýrri íslenskri sjónvarpsþáttaseríu sem Sjónvarp Símans sýnir. Þættirnir fylgjast með Villa rannsaka meint andlát söngvarans Friðrik Dórs. Villi Netó kom til okkar. Tónlist: Stefán Hilmarsson - Líf Stevie Nicks og Don Henley - Leather and lace Of monsters and men - Crystals Hreimur - Gegnum tárin Bríet - Fimm Friðrik Dór - Hún er alveg með þetta Police - Everything she does is magic Supertramp - The Logical song

Þessa vikuna standa Efling, ASÍ og Starfsgreinasambandið fyrir ráðstefnu eða fyrirlestraröð um aðstæður erlends verkafólks á Íslandi undir yfirskriftinni Mannamunur á vinnumarkaði. Farið er ofan í mismunandi greinar og í dag er ferðaþjónustan á dagskrá. Við fengum til okkar þau Viðar Þorsteinsson framkvæmdastjóra Eflingar og Arndísi Ósk Magnúsdóttur sem gerði rannsókn á upplifun erlends starfsfólks í ferðaþjónustu á COVID 19 tímum, til að ræða þessi mál og fengum einnig viðbrögð Viðars við dómi í máli fjögurra félagsmanna Eflingar gegn fyrirtækjunum Eldum rétt og Menn í vinnu. Halldór Geirsson, jarðeðlisfræðingur, kom til okkar og ræddi við okkur um jarðskjálftahrinuna sem hófst í gær og hvers sé að vænta með framhaldið. Við fræddumst líka um Bokashi jarðgerð, en sl. sumar hóf Jarðgerðarfélagið í samstarfi með Sorpstöð Rangárvallasýslu bs. og Landgræðsluna tilraunaverkefni á Strönd til að meta nýtni bokashi-jarðgerðar til meðhöndlunar á lífrænum heimilisúrgangi í Rangárvallasýslu. Björk Brynjarsdóttir verkefnisstjóri var á línunni og sagði okkur hvað Bokashi jarðgerð er og hvernig hún nýtist. Helga Guðrún Jónasdóttir og Ragnar Þór Ingólfsson eru bæði í framboði til formanns VR en kosið verður í þessu stærsta stéttarfélagi landsins dagana 8. -12. mars. Þau komu til okkar og ræddu sín framboðsmál. Heimildamyndin A song called hate þar sem fylgst er með för Hatara í Eurovison var frumsýnd á RIFF sl. haust og hefur síðan farið á nokkrar kvikmyndahátíðir. Nú er hún á leið í bíó hér heima á Íslandi og kvikmyndagerðarkonan Anna Hildur Hildibrandsdóttir sem er konan að baki myndinni kíkti til okkar í spjall af því tilefni. Tónlist: Snorri Helgason - Einsemd. Baggalútur - Hlægifíflin. Emilíana Torrini - Big jumps. Bubbi Morthens - Agnes og Friðrik. Hatari - Hatrið mun sigra. Margrét Rán - A song called hate. Hjálmar - Tjörnin. Birnir og Páll Óskar - Spurningar.