Ongea na Coach Makirita Amani's show

Kila siku kuna fursa mpya zinazoibuka, baadhi ya fursa hizo ni za kweli na nyingi ni za uongo na utapeli. Watu wengi wameumizwa na fursa walizokimbilia wakifikiri wamepata, wakaishia kuwanufaisha wengine. Kwenye kipindi cha leo nakwenda kukushirikisha namna ya kuepuka kutapeliwa na fursa mpga. Jifunze upate maarifa sahihi na uweze kufanya maamuzi sahihi.

Kuna kitu kimoja kikubwa tunaweza kujifunza kutoka kwa wanajeshi kuhusu mafanikio. Kitu hicho haijalishi unaanzia wapi au una elimu kiasi gani. Sikiliza kipindi cha leo kujua jinsi ya kutumia kitu hicho ili kufanikiwa.

Muda umekuwa ni changamoto na kikwazo kwa wengi kufikia malengo yao ya kimaisha. Kila siku tumekuwa tunasema kama ningekuwa na muda wa ziada ninge.... Lakini siku zinakwenda na hatuoni kupatikana kwa muda huo wa ziada. Tunaamua kuzika ndoto zetu kwa sababu hatukupata muda wa kuzifanyia kazi. Vipi leo nikikuambia kwamba unaweza kupata masaa mawili ya ziada kila siku? Ndiyo namaanisha masaa mawili, dakika 120 za ziada kwenye siku yako ya kawaida? Ni mangapi makubwa utaweza kuyafanya na kubadili kwenye maisha yako kwa nyongeza ya masaa mawili kila siku? Kwenye kitabu hiki siyo tu ninakuambia ya kwamba unaweza kupata masaa mawili ya ziada, bali ninakuonesha hatua kwa hatua jinsi unavyoweza kupata hayo masaa mawili ya ziada kila siku kwenye maisha yako. Nitakushirikisha mbinu bora za kuweza kutunza na kutumia vizuri muda wako kila siku, ili uache kusingizia muda kama sababu ya wewe kushindwa kuishi ndoto zako. Baada ya kukuwezesha kuyapata masaa mawili ya ziada kwenye siku yako, sitakuacha nayo halafu uyapoteze, badala yake nitakushauri njia bora za kutumia masaa hayo mawili ya ziada kila siku, uweze kubadili maisha yako na kuwa bora zaidi. Unapokuwa bora basi mafanikio ni uhakika kwako. Karibu twende pamoja kwenye kitabu hiki ili tujifunze njia bora za kutunza na kutumia muda wetu ili kuishi maisha ya mafanikio. Rafiki na Kocha wako, Makirita Amani, [email protected] www.kisimachamaarifa.co.tz www.amkamtanzania.co.tz

Muda umekuwa changamoto kwa wengi kushindwa kufikia ndoto zao. Wengi wanasema hawana muda, au wakipata muda watafanya kitu fulani. Ukweli ni kwamba huwezi kupata muda, bali unaweza kutenga muda. Sikiliza kipindi cha leo ujifunze namna unavyoweza kutenga muda wa kufanya yale muhimu kwako.

Katika masaa 24 ya siku, unahitaji kutenga saa moja kwa ajili yako binafsi. Kwa kuweza kuitumia vizuri saa hii moja utaweza kuwa na maisha bora yenye mafanikio makubwa.Sikiliza kipindi hiki ujue njia bora za kuenga na kutumia saa moja kwa ajili yako binafsi.

Mabadiliko ni kitu ambacho kinapaswa kufanywa kila siku na kila mtu.Kama unataka kuboresha maisha yako, lazima ubadili kitu kila siku.Sikiliza kipindi hiki kujifunza kuhusu mabadiliko.

Siyo kila mtu anaweza kuwa mteja wa biashara yako.Unahitaji kuchagua aina ya wateja ambao utafanya nao biashara na kujua wateja ambao unahitaji kuwaepuka kwenye biashara yako. Sikiliza kipindi hiki cha leo kujua wateja wakuwa nao na wateja wa kuwafukuza.

Kila unachofanya kwenye maisha yako utakutana na changamoto.Je unapambanaje na changamoto hizi?Sikiliza kipindi hiki kupata mbinu za kukabiliana na changamoto unazokutana nazo.