Samhjálp, vinkillinn og Ingi lesandi vikunnar

Við fræddumst um starfsemi Samhjálpar í dag en þau samtök, eins og önnur góðgerðarsamtök, biðla til þjóðarinnar um að sýna náungakærleika og láta gott af sér leiða í jólamánuðinum. Samhjálp rekur kaffistofu fyrir heimilislausa og bágstadda, meðferðarstofnunina Hlaðgerðarkot og einnig áfangaheimili og nytjamarkað. En hvers konar hjálp kemur sér best? Edda Jónsdóttir framkvæmdastjóri Samhjálpar kom í þáttinn í dag. Við fengum vinkil í dag frá Guðjóni Helga Ólafssyni, í þetta sinn fjallaði vinkillinn meðal annars um hvernig sumt er betra í nútímanum en annað, eins og til dæmis hlífðarfatnaður. Við sögu koma fréttir af ungdómi sem ekki les nógu mikið, líka eld- gamlar fréttir af ungdómi sem las allt of mikið, rithöfunda og foreldra sem geta bætt læsi barna, um bækur sem eru eilífar, líka um höfunda og lesendur sem eru það ekki. Við fengum ljóð eftir Guðmund Brynjólfsson og veltum fyrir okkur óreiðunni í heiminum, lífinu og hinu óumflýanlega: dauðanum. Lesandi vikunnar í þetta sinn var Ingi Markússon rithöfundur. Hans önnur bók, Svikabirta, var að koma út, en hans fyrsta bók Skuggabrúin hlaut góðar viðtökur. Við fengum hann til að segja okkur frá nýju bókinni og svo auðvitað frá því sem hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Ingi talaði um eftirfarandi bækur og höfunda: Different - What Apes Can Teach Us About Gender e. Frans de Waal Sandman serían e. Neil Gaiman The Three-Body Problem þríleikurinn e. Cixin Liu Múmínálfarnir e. Tove Janson, Mómó e. Michael Ende Tónlist í þættinum í dag: Jólin eru hér / Sigurður Guðmundsson (Sigurður Guðmundsson og Bragi Valdimar Skúlason) Undrastjarna / Hljómar (erl.lag, texti Rúnar Júlíusson) Come down easy / Carol King (Carol King) UMSJÓN: GUNNAR HANSSON OG GUÐRÚN GUNNARSDÓTTIR