啱啱好，我喺度

事事「唔好意思」拒絕人，以為迎合會換來尊重？人無邊界，其他人只會當佢無自己核心價值，唔需要重視。呢一集，我哋會用腦科學同哈佛管理學一齊探討，點解拒絕反而會幫你贏得人前更多嘅存在感！大好人綜合症？ 點解想開口拒絕人就會有罪惡感、覺得自己係衰人？遠離無謂飯局？ 人生過咗一半，點樣將有限嘅時間同精力，策略性配置喺真正重要嘅人同事上面？哈佛邊界理論？ 連百億企業唔想執笠都要拉起 Boundary 控制線，你嘅身心健康又點可以無邊界？想被人尊重，首先要睇自己點樣 Carry 自己。Respect is earned. 拒絕，唔係自私，而係一場理智嘅策略性止蝕。呢度係一個專屬女性自我成長同梳理思緒嘅安全空間，發現自己好想立邊界、但一對住人把口又硬係講唔出拒絕，請即刻去 IG 或者是 Threads 私訊 DM 我。我哋可以喺 15 分鐘嘅快閃 Coffee Chat 入面輕鬆聊聊，陪你一齊搵返你嘅存在感。名額得返10個，先到先得，額滿即止。或者直接預約我嘅個人諮詢服務一齊深入去傾吓自我成長同能量管理。無論你身處邊個位置——「啱啱好，我喺度。」喜歡我嘅節目記得 Subscribe、Follow 同埋五星好評！預約1:1 15分鐘virtual coffee chat: https://linktr.ee/Magi.FInstagram / Threads: chiling_intimePodcast 平台: Spreaker、Apple Podcasts、Spotify 同步上線！

你已經足夠堅強，所以唔需要迫自己過份逞強。由面面俱圓嘅完美女主角，回到最真實嘅自己，同你分享現代女性卸下層層面具嘅覺悟。呢一集，我哋會用腦科學同管理學一齊探討：兩頭唔到岸？點解喺香港做女人會覺得期望高到不切實際、越活越攰？碌 IG 越碌越焦慮？ 點解要即刻停止任由大腦盲目「腦補」人哋嘅完美生活？唔想麻煩人？ 點解哈佛管理學提倡嘅「心理安全感」，叫我哋大膽放低自尊向人求助？困住你嘅從來都唔係外在嘅環境，而係隨住歲月築起嘅心牆。你扮演咩角色都好，千祈唔好忘記自己內心真正需要啲乜。呢度係一個專屬女性自我成長同梳理思緒嘅安全空間。如果你聽完、答完節目入面嘅 3 條提問，發現自己隱約知想要乜、但完全唔知第一步點樣行落去，請即刻去 IG 或者是 Threads 私訊 DM 我，同我分享你 kick 住嘅位，我會親自覆你，陪你一齊搵到真正適合你嘅出路。無論你身處邊個位置——「啱啱好，我喺度。」節目更新重要啟事為了可以更加專注、為大家準備高質量嘅內容，由下一集開始，我決定將節目改由逢星期日推出，並維持每兩星期更新一集。所以，我哋嘅下一集將會喺 9 月 6 號（星期日） 正式上線 。日後如果有任何更新或動向，都會第一時間喺社交平台嘅個人簡介同 Podcast 入面公佈，多謝你哋一直以嚟嘅支持！喜歡我嘅節目記得 Subscribe、Follow 同埋五星好評！Instagram / Threads: chiling_intimeEmail: [email protected] 平台: Spreaker、Apple Podcasts、Spotify 同步上線！

最近身邊好多朋友無論是去旅行定出差，返到嚟都同我講：好攰、勁失眠、一返香港就大病一場。你以為落機夾硬死撐唔瞓，到當地夜晚先一覺睡到大天光，就可以快適應時差？今集《啱啱好，我喺度。》，身為能量管理教練，我會用以前周圍飛、日夜顛倒累積返嚟嘅實戰智慧，結合硬核科學系統同你拆解：夾硬死撐只會令自律神經全面失調、抵抗力跌到谷底！教你一套獨家嘅「落機黃金三部曲」，利用「光線定錨法」理智開機。同時，今集亦會拆解人人都忽視嘅「腸胃時差」同機艙藍光污染。面對時差，我哋不需要夾硬死頂；面對生活排山倒海嘅壓力，你同樣不需要盲目死撐。當你需要一個人陪伴你，啱啱好，我喺度。【限時快閃活動】如果你依家都覺得思緒超載，連幫大腦主機降溫、過濾噪音嘅時間都無？依家喺 Threads 辦緊大腦能量檢測。直接去我嘅 Threads / IG 私訊：【超載】，我會親自用 3 條理智提問，幫你個大腦思緒做減法，搵返遺失嘅掌控感。我嘅 Threads 傳送門：https://www.threads.com/@chiling_intime?igshid=NTc4MTIwNjQ2YQ==

細細個跟風讀書、大個跟風搵工，甚至連點樣做一個「乖女、好太太、好媽媽」，都係照住社會嗰本「標準答案」嚟行。人好容易覺得咁樣係「身不由己」。呢集，我想同你慢慢傾一個好多人都有，但好少講出口嘅狀態—— 當我哋愈嚟愈活喺人哋眼中，到底仲剩低幾多位置，係留返畀真正嘅自己？今集我會同你分享：•羊群心理：點解我哋咁驚「行開咗入唔返群」，明明唔舒服都照跟？•焦點效應同鏡中自我：點解我哋成日高估人哋幾鍾意望住自己，最後變成活喺「我以為你咁睇我」入面？•疫情故事：喺印尼封城、兩年返唔到香港見家人嗰段好孤獨嘅日子，我點樣靠心理健康 Podcast 同學習，慢慢拉返自己出嚟？•比較同聚焦錯覺：點解愈滑 KOL、靚太、成功人士，愈容易覺得自己「唔夠好」？原來我哋一直聚焦錯咗嘢。•情緒垃圾桶：點樣分辨邊啲意見真係為你好，邊啲只係想你幫佢承受情緒？我哋點樣學識話：「唔好意思，我而家忙住專注喺自己身上。」人生教練唔係幫你決定「應該點揀」，而係喺你好迷失、好攰嘅時候， 俾你有一個安全嘅空間，可以停一停、退後一步，有人同你一齊睇返你而家嘅處境，同你一整理嗰堆好嘈雜嘅聲音。如果你聽完今集，覺得自己都好想有人陪你一齊諗吓、梳理吓， 你可以喺節目資訊欄入面搵到【大腦檢測表】同一對一諮詢嘅資料， 揀一個你覺得啱嘅時候，同我一齊行多幾步。無論你而家係媽媽，定係一位喺職場同生活之間死撐緊嘅事業型女性， 只要你覺得自己近排有啲迷失，希望呢集，可以成為你行出羊群嘅一個好細但好重要嘅開始。Instagram / Thread：chiling_intime（歡迎 Inbox Message） Email：[email protected]

每日被家務同工作塞爆個腦，覺得做運動係「攞苦嚟辛」、寧願瞓覺好過？真正自己好，並唔係尋求短暫嘅安穩同舒服。今集，我會用自己日日去運動的日常，陪妳一齊了解點樣腦科學『神經可塑性』，大幅降低下次行動嘅阻力。同埋會講吓以下幾點：打破運動 3 大謬論：一定要連續做 30 分鐘以上才有效？操到爆晒汗先有用？等我有時間先開始？原來只係心理陷阱！從頭到腳嘅身體 Reset 科學：解密多巴胺與內啡肽點樣一秒幫我哋撥開腦霧、燃燒脂肪。原來9成嘅快樂荷爾蒙，其實是喺腸度製造？唔好再Blame 過去嘅自己。如果你個杯係空嘅，又點樣斟水畀妳屋企人呢？花時間照顧自己從來唔係自私。碎片時間習慣堆疊：早晨刷牙靠牆蹲、趷腳踭運動；下午簡易抗壓飲食，無痛幫大腦神經解毒。🧬 【特別福利 ── 免費索取指南】我親自製作咗一份【高壓媽媽 3天碎片時間指南】免費 PDF。裡面清楚寫低晒我頭先講嘅微運動技巧，同埋最近好興嘅「抗炎飲食法」。請去我 IG 或者是 Threads 帳號：Chiling_intime 私訊 我：「碎片時間」，我會盡快將 PDF 直接 send 畀妳！如果你依家正處於一個卡住咗，對下一步感到迷茫，或者好想睇清楚自己人生方向嘅階段，作為Life Coach，我歡迎你去填寫我自己設計嘅呢一份「理智勇氣諮詢」，我會幫你撥開迷霧，搵返原本就喺你內心嗰條路。連結可以喺我嘅 Podast 資訊欄同 Threads 兩星期後再見！

唔理妳今日過得點樣、忙咗啲咩，喺呢一刻，全屋都靜晒落嚟。妳終於可以放鬆攤喺度，舒舒服服咁戴上耳機。呢 8 分鐘，係完全只屬於妳自己一個人的 Me-time。沒有任務、沒有責任、妳不需要完成任何人的期待，亦不需要承受任何人的批判。（💡 建議：請調暗床頭燈，直接躺在床上收聽）這一期純引導節目，Magi 教練會用放慢 20% 嘅沉穩語速，帶領妳進行科學的「箱式呼吸法（Box Breathing）」與全感官的「深夜森林觀想遊戲」。陪妳將那些做不完的家務、外在的指教、還有對自己的自責，像一片片枯葉一樣輕輕放低。讓大自然承接繁雜，幫大腦優雅斷線。在心裡對那個逞強了一整天的自己講一句：『今日辛苦喇，我收咗工啦，值得好好休息。』 守護好妳的身分認同，今晚放心幫大腦做一次微型 Reset。一覺瞓醒，妳依然是那個有規律、又識得好好照顧自己的人。我，值得好好休息、放鬆自己。🧬 【啱啱好，我喺度】高壓女性壓力來源與大腦能量檢測：如果妳經常大腦超載，想搵人拆解，幫自己走出呢個謎團……誠邀妳用 3 分鐘一齊參與呢個微型調查（資料絕對保密）。做完調查後，我會親自將妳鎖定在 8 月 10 日重啟、限額 3 名的【60天大腦頻寬奪回計畫】優先留位名單中：👉 【點擊參與大腦能量檢測，為 8 月優先留位】：https://forms.gle/6K7QZu5PKyLUTXuCA

每日工作忙完、搞掂晒屋企啲嘢、個仔又瞓咗，喺全屋靜晒嘅那一刻，妳係咪都忍不住想暴食零食？食完嗰刻，又開始深深的自責同內耗？咁唔係因為你冇意志力。只係大腦喺妳極度透支時，本能選擇最快嘅減壓方法啫！我們不需要自責。今集我會用自己重度鹹零食控嘅「零食櫃日常實驗」，陪妳一起利用腦科學與原子習慣嘅「20秒法則」，嘗試改變我哋嘅壞習慣。【兩招輕鬆建立「自動放棄系統」】當下的爽，過後的痛：壞習慣喺享受嘅當下就真係好爽；但過後妳感覺到嘅內疚、痛苦同內耗，往往比之前嘅爽更多，而且延續嘅時間更長。兩招輕鬆自動放棄：如何用一個「不見天日嘅隱形專用櫃」拉高 20 秒阻力，利用大腦怕麻煩、想節省能量嘅本能，讓大腦自動對壞習慣放手。生活壞習慣的延伸：零食只是一個比喻。無論是一攰就失控瘋狂碌手機、還是用暴食來逃避現實，妳都不需要過一個完美無瑕、逼死自己嘅人生。妳需要嘅，係一個溫柔又理智嘅新生活系統。真正的減壓解藥：每晚臨瞓前畀 15 分鐘自己完全放空。冇任務、無責任、唔需要完成任何人嘅期待，話俾自己聽：「今晚我收咗工架啦。」🧬 【啱啱好，我喺度】高壓女性壓力來源與大腦能量檢測：如果你經常大腦超載，想搵人拆解，幫自己走出呢個謎團……誠邀妳用 3 分鐘一齊參與呢個微型調查（資料絕對保密）。為了答謝妳的幫忙，我已經預先準備好咗一段可以每晚無限重複收聽、幫大腦優雅登出的【深夜森林身心微 Reset 】音訊禮物。今晚，等我用聲音陪妳好好登出：👉 點擊參與大腦能量檢測： https://forms.gle/5iCWaCQHf5xVx52Y8

回頭一望，原來《啱啱好，我喺度。》不知不覺已經做到第 13 集喇。幾個月前，我同好多正處於轉型期嘅女性一樣，對自己嘅能力充滿懷疑，甚至喺行出第一步之前猶豫不決。但到咗今日，喺完成咗工作上嘅實戰對談之後，我先深刻體會到：自信同能力，從來都唔係等妳準備好晒先至有；而係當妳帶住理智同勇氣踏出第一步之後，由行動扣緊回饋返嚟嘅底氣。喺呢一集入面，我想同妳分享我同個案坦誠對談嘅深刻感受。睇住佢哋喺巨大嘅壓力和痛苦入面，因為一份毫無保留嘅信任，等我可以在佢哋嘅人生入面，陪佢哋又活咗一次；亦睇住佢哋由原本只係死押喺眼前的結果，到學識睇見自己親手鋪好嘅每一步路。我哋呢一生，由 BB 時期學爬行、到大個仔之後嘅自我實現，其實一直都喺唔同嘅層次當中不斷學習緊。生命，本來就源於學習。本集精準時間軸00:40 不知不覺第 13 集：幾個月前，我都曾經強烈懷疑自己01:38 踏出第一步之後，先至親手賺返嚟嘅「能力同自信」02:30 打破結果論嘅盲點：如果只係睇重目標，成功之後點解反而得返空虛？07:35 馬斯洛人類需求金字塔：生命，本來就源於學習08:30 返去最平凡嘅日常：點樣將宏大嘅靈性追求，安安穩穩擺喺刷牙洗碗嘅每一天？【理智勇氣體驗】1:1 人生諮詢預約妳都想由繁雜嘅日常入面抽身，好好為自己梳理一次思緒，搵出下一步嘅方向嗎？歡迎點擊下面個 Link，比自己 3 分鐘嘅縫隙時間填好份表。作為妳嘅人生教練，我會喺度溫柔而清醒咁接住妳。https://forms.gle/H55Fn6KipBGe3eZc9

生活明明都算叫平靜，但大腦唔知做乜不由自主咁去垃圾桶摷返啲垃圾出嚟，回顧以前做錯嘅事、受過嘅傷，我哋點樣可以掉咗啲垃圾，真正活在當下？今集我會由自己 18 歲兼職時、見證同儕誤入歧途的故事說起。想同大家分享一個我最近思考緊嘅概念：升級大腦嘅「回憶處理系統」。我哋點樣由了解潛意識同神經科學的運作，將過去、未來、現在重新連成一線：過去：解碼負面沉溺 (System Review)—— 點樣拆解大腦嘅威脅防禦機制同「蔡加尼克效應」？看穿大腦如何利用未完成嘅遺憾，逼我們喺黑暗中跑一場無盡嘅馬拉松。未來：正面沉溺 (Positive Addiction) —— 與其任由全體細胞對壓力荷爾蒙（皮質醇）上癮、榨乾全身力氣；點樣透過進入「心流狀態」，為未來儲返健康與能量？現在：脆弱與和解 (Inner Awakening) —— 痛苦是真實嘅，但要唔要繼續受苦，選擇權喺你手上。原諒過去嘅自己，緊緊抱住嗰個一直在黑暗中低頭喊緊嘅內在小孩。只要你願意，40歲之後，我哋依然可以每天進步，活出最好嘅當下。喺六月至到八月期間，Podcast每隔兩星期出一次。下一集會喺6月12日推出！我想聽見你嘅聲音：如果你聽完之後有任何諗法、意見，或者想同我分享你嘅故事，好歡迎你搵我。我好期待可以成為你嘅聆聽者，同你一齊喺呢片複雜嘅人生之中，搵返自己真正想要嘅嘢。Instagram / Threads: Chiling_intime (歡迎 Inbox Message 我）Email: [email protected]

好多人一聽見「目標」或者「夢想」就覺得壓力大，諗起要 Think Big、要一擊即中、要做得完美無瑕。但其實好多時，我哋連開始嘅勇氣都未儲滿！由細到大因為有人包底而養成嘅「超級拖延症」，到大個咗做人母、驚吞走小朋友成長機會而學識喺人哋生命中「留白」嘅醒覺；再到今日即使食住抗生素、個人持續好攰，我都堅持要用「5 分鐘法則」去 Gym Room 現身。我發現：拖延症唔係因為你冇能力，而係你唔敢面對「不完美嘅開始」 —— 諗就諗咗啦，但只有踏出第一步嘅小動作，先至可以幫你重塑大腦迴路。呢集 Podcast 我會同你傾吓：驚失敗定驚成功？：坦白拆解拖延症背後嘅心理機制，點解大腦潛意識會用完美主義去逃避責任。定型與成長心態：心理學巨著 Mindset 嘅啟發 —— 點樣將心態調整為 Growth Mindset，將失敗當成實驗嘅過程。5分鐘大腦外掛：我分享自己食住抗生素都要現身嘅經歷，教你點樣將遙遠嘅目標切割，用最簡單嘅小動作同拖延症分手。如果你正因為大腦超載、無數個 Idea 拖到熱情減退而覺得煩躁不安，或者覺得自己勇氣儲極都唔滿，呢集節目想請你，試下唔好再諗個 Result，而係專注喺今日嗰件「微不足道」嘅第一步。呢度係圍爐取暖、又可以拎啲嘢返自己心靈屋企嘅空間。無論你身處邊個位置 —— 「啱啱好，我喺度。」大家可以喺comment度比啲意見我，等我可以做得更好。你有冇一啲生活上大腦超載、或者想重排 Priority 嘅煩惱？如果想我傾、或者想同我分享你嘅故事，好歡迎你搵我。好期待可以成為你嘅聆聽者，同你一齊喺呢個複雜嘅人生之中，搵返自己真正想要嘅嘢。Instagram/ Thread: Chiling_intime(歡迎 Inbox Message）如果Email: [email protected]

剛剛過咗 41 歲生日，我突然諗起以前飛紐約長途機，落機攰到連自己幾多歲都諗唔到嘅「靈魂出竅」時刻。😂 以前覺得生日好麻煩，而家反而學識咗意大利人嘅傳統：每 10 年為自己「生而為人」嘅努力做一次大總結。由香港搬去意大利，再由意大利移居越南；由辭去空姐工作，到一對一全職照顧小朋友。40 到 41 歲呢一年，我經歷咗人生好大嘅轉變。我由一個「諗多過做」嘅超級拖延症患者，變到今日識得主動買器材、研究腦科學、正式開始呢個 Podcast。呢集我想同你分享：意大利傳統：點解 10 年一次嘅慶祝係一種對未來嘅「期待」？越南新生活：喺陌生環境點樣一邊湊仔一邊搵返自己嘅潛能？重塑大腦迴路：我點樣克服內向心魔，對自己講「我是個自律專注嘅人」？生日寄望：點樣透過每年生日嘅檢討，令自己活得更清醒、更有底氣。感謝嗰個肯踏出第一步嘅自己。無論你而家幾多歲，只要你願意，你隨時都可以重寫自己嘅大腦迴路。大家可以喺comment對我Podcast嘅意見。我想聽見你嘅聲音：如果你有咩話題想我講、或者想同我分享你嘅故事，好歡迎你搵我。好期待可以成為你嘅聆聽者，同你一齊喺呢個複雜嘅人生之中，搵返自己真正想要嘅嘢。Instagram/ Thread: Chiling_intime(歡迎 Inbox MessageEmail: [email protected]

「我想話你知，喺媽媽呢條路上，你從來都唔係孤單一人。」響同一日入面，煩躁、內疚、壓力、頭痛，再加埋生理痛，全部一齊搵上門。我相信好多媽媽都試過：難得有一晚約咗朋友放鬆，卻喺出門前因為想滿足阿仔玩多陣嘅要求，陷入咗無盡嘅矛盾。「我哋喺外面對住其他人成日想『扮到好得體』，結果搞到自己仲緊張。」難得有 Me Time 出街，個人雖然到咗，但個腦其實仲未收工？今集節目，我會用自己一個極度狼狽嘅星期六做例子，同大家一齊排排坐，上一堂「活在當下的勇氣」：出門前的拉鋸戰「分心」嘅陪伴最漫長最強大的社交技巧最好的身教這一集，我想用人生教練（Life Coach）嘅視角，同大家一齊拆解媽媽們最常陷入的心理陷阱。我們不只聊生活的崩潰，更要聊如何從這份「大腦超載」中學到新嘢，把內耗的壓力變成讓我們更強大的養分。我想聽見你嘅聲音：如果你聽完之後有任何諗法、意見，或者想同我分享你嘅故事，好歡迎你搵我。我好期待可以成為你嘅聆聽者，同你一齊喺呢個複雜嘅人生之中，搵返自己真正想要嘅嘢。Instagram/ Thread: Chiling_intime(歡迎 Inbox Message 我Email: [email protected]

「活在當下」—— 呢句說話我哋由細聽到大，但係咪代表「及時行樂」就係全部？喺艱難嘅日子，我哋點樣可以一邊咬緊牙關，一邊仲可以喺涼風入面笑得出？今集我想同大家分享一個我最近思考緊嘅概念：「理智勇氣理論」。我哋點樣透過大腦嘅「理智」，將過去、未來、現在連成一線。過去：意義重組 (Rational Review) —— 點樣同大腦和解，將過去嘅鎖鏈變成今日嘅地基？未來：韌性定位 (Resilient Positioning)—— 如果未來係個大森林，點樣拎住「指南針」計劃每一步，同時擁有應變嘅底氣？現在：CEO 監察模式 —— 運用哈佛管理學 "View from the Balcony" 概念，點樣由混亂嘅舞池抽身，行上理智嘅露台？生活即修行：原來刷牙、洗面、做家務，就係行上「CEO 露台」嘅樓梯？我哋一直以為人生係追求「快樂」，但原來我哋真正需要嘅，係一種懂得接受現實、睇清格局之後嘅「平靜」。我想聽見你嘅聲音：如果你聽完之後有任何諗法、意見，或者想同我分享你嘅故事，好歡迎你搵我。我好期待可以成為你嘅聆聽者，同你一齊喺呢片複雜嘅人生之中，搵返自己真正想要嘅嘢。Instagram/ Thread: Chiling_intime (歡迎 Inbox Message 我）Email: [email protected]

由壓力荷爾蒙到多巴胺：你幾耐冇「純粹地」學習？好多人一聽見「學習」就覺得壓力大，諗起讀書、考試、攞證書。但其實離開咗學校，學習先至可以真正變得好正！由銀行投訴部嘅「生存式學習」，到三萬呎高空嘅「肌肉記憶」，再到純粹為咗「尋開心」而學語言、學做 Podcast，我發現：平時累積落嚟嘅嘢係你嘅「底氣」，但只有為咗興趣而學嘅嘢，先係你嘅「福氣」———必要嘅知識幫我哋生存，而嗰啲「冇用」嘅興趣，先可以打開我哋嘅心靈之窗。呢集 Podcast 我會同你傾吓：由壓力到心流：職場同生活中嘅磨練，將學識真正變成智慧。做仔仔嘅隊友：比佢見到一個會抬頭同佢一齊進步、一齊發現世界嘅媽媽。佛系學習法：坦白講吓我學習嘅經歷——點樣喺繁忙日常、腦袋超載之後，搵返一點點釋懷。如果你正因為想學嘅嘢「冇用」、「冇進展」而覺得內疚，或者覺得生活只係得返生存，呢集節目想請你，將你嘅快樂擺返喺 Priority 嘅榜首。呢度係圍爐取暖嘅空間。無論你身處邊個位置——「啱啱好，我喺度。」喜歡我嘅節目可以 Subscribe 同 Follow 我 Instagram, Thread : Chiling_intime，多謝哂！🎙️而家可以喺 Apple Podcasts、Spotify同Spreaker都聽倒我嘅節目啦！

「點解明明身處人群，個心仲係覺得空蕩蕩？我哋怕嘅係寂寞，定係驚見到嗰個唔完美嘅自己？」由習慣依賴到學識獨處，同你分享喺孤獨入面搵返自由嘅覺悟。我哋會一齊探討：當不安感來襲，點樣將自己當成最親密嘅朋友，講返句溫柔嘅話？喺異地、新環境格格不入？ 點樣學識放低完美面具，用「脆弱的力量」去搵到真連結。唔同人生階段嘅「專屬」孤獨，應該點樣去面對？迷惘、忙碌到失去，突然又生活多咗大段空白？ 怎樣去過一場「Die with Zero」嘅人生。（引用暢銷書《Die with zero: of You can from You money and your life》 作者: Bill Perkins）困住你嘅唔係身邊冇人，而係你仲未敢同自己正面交涉。你唔需要迫自己忘記過去，但你可以學習放低。呢度係圍爐取暖嘅空間。無論你身處邊個位置——「啱啱好，我喺度。」喜歡我嘅節目可以 Subscribe 同 Follow 我 Instagram, Thread : Chiling_intime，多謝哂！🎙️ Podcast 喺 Spreaker 同 Apple Podcasts 都可以聽倒。

「孤獨，係咪一定要一個人先會感受到？」到底「孤獨」係啲乜嘢？點解人會感覺孤獨嘅？孤獨就好似一陣風吹過，如果我哋唔願意去接受，佢就會演變成長久嘅焦慮。今集我想同大家分享，點樣由心理學嘅「生物預警」同「榮格陰影」，行到去今日嘅「自我覺察」。由 25 歲第一次離家飛翔，喺異地酒店學識享受一個人的燒肉；到後來經歷異地戀嘅信任考驗；再到今日遠嫁意大利小鎮，面對語言不通、老公經常出差、獨自湊仔嘅「全職媽媽專屬孤獨」。如果你正處於人生某個感到無助嘅階段，希望呢集可以陪你將孤獨轉化成一種平靜嘅藝術。呢度係圍爐取暖嘅空間。無論你身處邊個位置——「啱啱好，我喺度。」喜歡我嘅節目可以 Subscribe 同 Follow 我 Instagram, Thread : Chiling_intime，下集再見！🎙️ Podcast 喺 Spreaker 同 Apple Podcasts 都可以聽倒！

「點解我哋無啦啦，會變成咗陌生人？」你心入面，係咪都住住一個「唔知點樣失去咗」嘅朋友？明明曾經係「孖公仔」，曾經一個眼神就笑到飆眼淚，甚至以為可以做一世好姊妹。但唔知由邊日開始，訊息停咗喺最後一句，喺人哋口中先知佢結咗婚。嗰種好似結咗焦嘅傷口被揭起嘅痛，唔係因為仲想挽回啲乜，而係唔甘心——點解段關係可以消失得咁不明不白？今日，我想同你哋圍爐，傾吓呢啲「那些年的友情」：小學嗰句說話： 原來「失去」嘅感覺，可以由咁細個記到而家。關係嘅到期日： 當大家行嘅路唔同咗，頻率再對唔準，係咪就一定要放手？消失的問號： 點解我哋咁執著一個答案？一個小儀式： 一封「唔會寄出嘅信」，同過去嘅執著正式道別。友情同愛情一樣，都講緣份。唔再聯絡唔代表邊個做錯，只係我哋都喺各自嘅路上，努力變成了另一個人。如果你心入面都有嗰份放唔低嘅惆悵，入嚟聽吓我嘅故事。我哋唔強求返回過去，但可以真誠咁祝福對方，然後喺而家嘅生活入面，擁抱屬於自己嘅幸福。呢度係圍爐取暖嘅空間。無論你身處邊個位置——「啱啱好，我喺度。」喜歡我嘅節目可以 Subscribe 同 Follow 我 Instagram: Chiling_intime，下集再見！🎙️ Podcast 喺 Spreaker 同 Apple Podcasts 都可以聽倒！

「好攰好攰……但好似仲有嘢未做？」當全屋靜晒，明明好攰但反而焦慮，對「休息」充滿罪疚感？每日好似打仗咁，精神同身體長期受壓，我哋最需要嘅，其實係一個可以呼吸嘅空間。今日我想同大家分享，點樣喺繁瑣家務入面唧啲時間出嚟：餐單管理術： 一星期慳出 10 小時，拒絕「決策疲勞」。拒絕藍光陷阱： me time碌手機反而更累？提升休息質素嘅重點。5 分鐘抬腿練習： 簡單嘅拉筋同呼吸，幫成個人「重新開機」。時間表係用嚟幫你，唔係局限你。每日 5 分鐘嘅小確幸，足以令你搵返嗰個唔會生銹嘅自己。入嚟聽吓我嘅心路歷程——「無論你而家幾攰，慢慢嚟，我喺度。」

「嘩！呢個係邊個？我……唔見咗自己呀！」你有無試過忙到一個點，照鏡嘅時候突然覺得鏡入面嗰個人好陌生？由每日襯衫返工，到衣櫃剩返 U 記休閒風；由精緻女孩，到全副心力得9幾個月大嘅BB。我哋喺無盡嘅家務、重複嘅動作、仲有數唔盡嘅微細決定入面，慢慢磨蝕咗對生活嘅熱情。今日，我想同你分享我係點樣「搵返自己」：點解媽媽會越做越攰？ 拆解導致「決策疲勞」嘅 4 大元兇。咩都親力親為先係好媽媽？ 其實放手畀機器同外援，先係對自己最溫柔嘅慈悲。「四象限法則」實戰： 點樣喺混亂嘅待辦清單入面，夾硬擠出嗰份重要嘅 Me Time。時間係金錢，但慳返嚟嘅時間，更係你嘅命根。照顧好自己，先可以呈現最好嘅自己畀你愛嘅人。如果你都覺得好攰、好想停一停，入嚟聽吓我嘅故事，我哋一齊拎張紙，重新定義你嘅生活。呢度係圍爐取暖嘅空間。無論你身處邊個位置——「啱啱好，我喺度。」喜歡聽我嘅節目可以 Subscribe 同 Follow 我 Instagram: Chiling_intime，下集再見！🎙️ 喺 Spreaker 同 Apple Podcasts 都可以聽倒！

「點解我會喺呢度？我係咪行緊自己想行嘅路？」由全職女性過渡到全職媽媽，同你分享身份轉變嘅覺悟。我哋會一齊探討：- 點解成日覺得自己「錯過時機」？- 每日重複沉悶又忙碌嘅生活，點樣睇到自己努力生活嘅證據？- 唔想麻煩人？點解「自己嘅需要」其實最重要？困住你嘅唔係環境，而係心入面嗰度牆。你敷衍咩人都好，千祈唔好敷衍自己。呢度係圍爐取暖嘅空間。無論你身處邊個位置——「啱啱好，我喺度。」喜歡我嘅節目可以subscribe同follow我instagram: Chiling_intime，下集再見！Podcast喺Spreaker同Apple Podcasts都可以聽倒啦！